絲絲講場：飛達孟加拉開廠執身彩

行家執笠 顏太感心噏

顏太話雖然自己今次冇咁傷，不過聽到好多行家話頂唔住面臨倒閉，都會好心噏，因為之前大家都冇估到美國嚟真，完全冇兩手準備，所以希望中美兩國好好咁傾喎！

佢補充，飛達有超過七成幾收益嚟自美國，不過依家好在孟加拉嘅產能佔比已經提升到七、八成，深圳廠只係佔少數，而且深圳廠嘅客戶多數喺亞太區為主，所以中美貿易摩擦影響先好少，甚至會受惠部分美國客戶將訂單轉去孟加拉，成本仲低咗添。

明年產能有望增一倍

講番孟加拉廠已上咗軌道，當地工人手藝亦逐漸成熟，生產效益大大提高，不過原先今年底落成嘅廠房第二期工程受水災影響延誤咗，顏太話最快明年中先全面落成投產，到時產能有望提升多一倍，廠房仲會引入自動化生產系統，同時增聘人手，預期廠房員工數目將由依家約四千人增加到八千人。

余絲韻