絲絲講場：摩通撬走科企AI高管
人工智能（AI）服務成大勢所趨，企業求才若渴。摩根大通最近成功從Google挖走雲端AI產品管理業務高管薩克塞納（Apoorv Saxena），佢八月底會正式過檔，主管AI和機械學習服務，亦都會睇埋資產和財富管理AI技術。
人工智能專才渴市
由科技巨頭Facebook（Fb）、硅谷初創企業以至金融業都不甘後人，搞到為數不多嘅AI專才勁搶手，人工自然水漲船高，個別例子年薪更可達到數以百萬美元計，相當驚人。為避免畀金融科技公司同科技巨頭搶走生意，銀行業亦愈來愈積極招攬機械學習以至區塊鏈嘅科技專才。以摩通為例，該行近期請番嚟嘅高管入面，有近三分之一都唔係金融業專才。
余絲韻