散戶睇法兩極 傾向小注

看好行業前景

散戶盧先生直指沒甚興趣。他表示：「呢排啲製藥股好似麻麻，加上個市走勢一般，唔會考慮抽，等佢上埋市再睇。」他亦憂慮該新股的營運。他稱：「呢隻股無收入好難睇，情願揀小米集團（01810）算，名氣都叫大啲啊！」

一向熱衷投資新股、堪稱「新股王」的散戶禤先生則表示：「一定會去抽，萬幾蚊唔係好貴啫，好多股一手半手都要幾千蚊啦！就咁初步睇，雖然未有收入，資料又唔多，但生物科技前景幾好，中國醫藥股潛力大。買得到就預揸中長線，買幾多就言之過早。」

視乎認購反應

另一散戶Jimmy亦考慮認購，但只打算小注投資。他表示：「都會考慮吓，歌禮製藥都算大額IPO，之前我買閱文集團（00772），都要大約1萬蚊，不過你見保薦人同承銷商，就知佢哋目標唔係散戶，入場費唔會有太大影響。」他又直言：「今次未必會抽太多，會睇反應熱唔熱烈，無乜人抽等上市後再買仲抵。」