絲絲講場：騰訊Dan Brody論壇晒普通話

Dan日前出席Rise Hong Kong 2018創業科技論壇嘅時候，一直都用英文同主持人對話，不過講講吓就突然間彈咗句普通話：「連接一切」。主持人當堂嚇一跳，然後笑住用普通話回應，「已經是非常地道的中國人」，引嚟場內一陣笑聲。

高中開始學 住埋內地

據了解，Dan由高中就開始學普通話，到咗大學都有繼續研究，所以講得一口標準嘅普通話。唔知Dan同主席馬化騰又係用咩語言嚟溝通呢？

睇番啲資料，Dan仲曾經修讀南京大學中文證書課程，由九六年起就一直住喺中國，難怪佢普通話會咁流利。不過，由一一年開始，佢就「Living on a plane」，斷估係因為份工要周圍飛，要以飛機為家啦！

余絲韻