絲絲講場：宗慶后柴阿女台有苦心

憂自創健康飲品銷情

今年已經73歲嘅宗慶后早就已經放手畀個女自立門戶，但佢對愛女嘅成績似乎唔滿意！好似早前被媒體問到點睇Kelly創立嘅果蔬汁品牌Kelly One時，佢就答：「因為這個東西做不大，保質期很短。我不太清楚她在搞甚麼，她做甚麼也不需要向我請示。」

之不過，今年36歲嘅Kelly亦凸顯出反叛性格，她喺公共場合回應：「如果做得成功，我希望併購娃哈哈。」

據宗慶后嘅商界朋友指，佢確實已經畀咗充分自由Kelly。喺一六年七月，Kelly推出以自己嘅英文名加上「第一」意思嘅「Kelly One」飲品，係一款較傳統娃哈哈保健飲料更年輕同時尚嘅飲品。但產品推出至今已經兩年，銷量一直都差強人意。

原因可能係Kelly One聚焦畀年輕人可以透過微信平台自行選擇用邊啲蔬果搭配飲品，價格最貴賣成48元人民幣，並且每日限量供應，被指貴價同埋客制化。

對比之下，宗慶后追求價廉物美嘅最強性價比，習慣以「快速創新、快速覆蓋市場」嘅生意手法，就技高不止一籌。

余絲韻