孖妹S檔案：金融新鮮人晒專業炒技

彩兒：未必嘅！高頻交易員炒超短線，唔太理宏觀經濟狀況。就好似袁志樂依家喺投行做實習分析員偷師，學咗幾招喺牛熊市通用嘅投資策略。

分析數據 做好風險管理

袁：我會分析歷史數據做判斷。我預期A股較國指強勢，所以做咗配對交易，買入南方A50（02822），沽出國指期貨。見美國公司債務佔GDP比例偏高，一般債務愈高，股市步入熊市危機愈大。

彩兒：美國企業負債佔GDP比重近半，真係咪話唔驚。唔知企業係趁之前低息借錢谷股價，定真係有財務問題。

袁：冇話有即時暴跌風險，但不確定性幾大，我每次出入都注重風險管理，留意持倉貨值及風險值，盡量令投資風險維持於可控範圍。我會量度投資組合嘅Delta，即期權價格對於標的資產價格變動的敏感性，如Long Strangle，投資者會同時買入標的嘅認購期權及認沽期權，咁佢嘅Delta有可能係零。

我以前會炒個股，依家唔會，為再減低投資風險，我減持標普500指數ETF（交易所買賣基金）等方向交易，同時增持套戥交易，就算有黑天鵝突襲都唔使咁驚。年內平均每月回報有2%，達預期目標，有信心今年投資回報達24%。

蔡： 我對後市走向都係較中性，因為目前港股波幅唔細，上落一千點好閒。我買入盈富基金（02800）及納斯達克100指數ETF，仲分別做咗AH股，以及中國商品焦煤焦炭嘅套戥，但唔做槓桿。