絲絲講場：中海顏建國：內地興送指甲鉗

尋日同顏總講起內地生活水平提高，佢就分享咗消費隨之升級嘅情況。佢話一個居家必備嘅指甲鉗，近年內地愈嚟愈多人會買百幾蚊個嘅外國牌子嚟用，仲竟然成為送禮佳品，原因係個設計正反兩邊都有圓角，剪得個指甲形狀好美觀，亦好耐用喎。

講到本業，顏總話佢哋去年十一月成功中標雄安新區市民服務中心項目，係區內首個動工嘅大型工程項目，包含咗市政大樓、辦公室、酒店等等綜合服務，全部都由中海包辦建設、管理同日常營運。

雄安項目百日完工

能夠打低芸芸對手成功插旗，顏總提起都十分興奮，仲話雄安項目去年十二月初動工，預料三月底就可以完工，百零日完成整個工程好快手咁話！

余絲韻