飲水思源 多得伯樂
張天生從事股票經紀逾半個世紀，直言轉捩點是六九年加入由股壇元老馮景禧創辦的新鴻基證券，工作廿七年，指「冇馮景禧、冇（有「香港金王」之稱）胡漢輝，就冇今日嘅張天生！」
獲高薪邀過檔
張天生說：「當年政府人工都係大約700元，馮景禧六九年底高薪邀請我過檔，出到底薪2,000元，加埋同公司拆帳，連佣金合共有四、五千元，成為全港人工最高嘅出市代表！」
他加入新鴻基證券做「開荒牛」，協助成立公司，馮景禧職員編號是「01」，張天生編號是「03」。新鴻基證券初成立時人手不足十人，當時未有孖展服務。
張天生說，有日他問馮景禧可否替客戶做孖展？「馮景禧原本都唔識，經我一講，佢叻到出神入化，係這方面奇才，『孖展王』當之無愧。」
他直言，「沒有新鴻基，沒有今日嘅張天生。我都好感激胡漢輝，係佢邀請我到金銀會教會員做出市，令自己喺金融界建立地位，做人要飲水思源。」
