絲絲講場：Tesla超級充電站玩埋溜冰

國際電動汽車龍頭特斯拉（Tesla）喺不久嘅將來，旗下嘅超級充電站將不再只係供車主充電咁簡單。外媒指，Tesla CEO馬斯克剛剛喺其個人Twitter承認，洛杉磯一座新建嘅Tesla超級充電站將會開設餐廳同溜冰場！

Tesla喺全球已經建有上千座超級充電站，但目前只係供車主使用，以現在嘅技術，電動汽車充滿電還需要一定嘅時間，起碼都要幾粒鐘，而Tesla為咗提高超級充電站嘅效率，推出了充滿電後一定時間內車子不開走就收費嘅措施，咁就導致好多車主喺充電時需要留喺超級充電站等候一段時間。

據了解，馬斯克好早之前就有開餐廳嘅想法，只因為過往充電站面積較細等種種原因而冇實現。但隨着Tesla開始建立更大型嘅超級充電站，有了足夠大嘅空間，開餐廳和溜冰場需要好大地方嘅問題就迎刃而解啦。

目前，Tesla超級充電站每隔15分鐘或者1個小時就會有一輛電動汽車進入，有間餐廳和溜冰場喺左近，車主唔使齋等，自然樂意去消費啦！

余絲韻