成日聽到有人講創業，實情創業係咪咁容易，以下創業失敗嘅前人累積經驗彌足珍貴！原來投資開店經常重複住以下嘅「死法」，值得有志創意者深思。
首先，第一種係品質至上。以為品質決定一切，把產品特點當作目標群體分析。以咖啡店為例，很多人以為咖啡店首先咖啡一定要最好，設備也一定要好。對手用200元一公斤嘅咖啡豆，你就要用300元一公斤嘅咖啡豆；對手用2萬元嘅咖啡機，你就要用3萬元嘅咖啡機！到臨關門那一刻，仲覺得自己失敗原因係因為咖啡嘅品質冇其他店咁好先失敗？
第二種係畀舖租壓迫死。有很多做得唔錯嘅店舖，前期因為老闆因素做得非常不錯，可是經過幾年嘅發展，店舖迅速爆紅，舖租隨住舖價喪心病狂咁上升，本來第一年好好咁經營並冇蝕太多，到第二年啱啱開始有盈利，結果第三年就關門大吉。
第三種係前期不賺錢觀念累死。以為開店就需要養，前期一年就唔諗住賺錢，深信只要開店時間夠長，就可以有盈利。於是喺店舖啱啱開始，除咗將自己朋友全部邀請過來免費吃喝之外，最多就喺附近派發宣傳單張之類，然後就等客戶一年之後自動源源不斷上門！結果，可想而知啦！
至於其他死法其實都係一字咁淺，好似缺乏事先規劃、缺乏行業了解、市場定位不明確、合夥人問題、同業競爭、菜品定價過高或過低以至盲目模仿等等。但係，創業者仲係要不斷咁重蹈覆轍！
余絲韻