絲絲講場：晉安主席傍實兩位公子

晉安實業係本港物業投資公司，59歲嘅爸爸王聰德係集團主席，投資物業近30年，但只係非執行董事。反而得三年物業投資經驗嘅細仔王家揚身兼兩職，係集團執行董事同財務總監，返公司幫手前曾任職羅兵咸及渣打銀行（香港）；大仔王文揚係集團總經理，唔講唔知，原來佢之前係醫生。

細佬王家揚負責集團整體財務管理同公司秘書工作，仲話集團業務會集中香港，暫時冇計劃將業務拓展海外。而哥哥王文揚就負責監督物業部門。

入場費盛惠2504元

王聰德話自己雖然係非執董，但都要負責公司整體策略同規劃！至於投資者可能擔心佢短時間內交棒畀兩位公子，王聰德就派定心丸，話未有交棒計劃。

晉安實業一月八日截止招股，一手2,000股，入場費2,504.99元，預計一月十六日上市。

余絲韻