絲絲講場：十大賺錢富豪邊個最勁？
今年美國股市成日都創新高，石油價格同中國房地產市場又升，呢啲都帶挈全世界最有米嘅億萬富豪袋唔少錢。
貝索斯勁吸金 全球最有米
《福布斯》今年追蹤全世界成2,000幾個億萬富豪嘅個人淨資產變化，計到今個月十四號為止，以下呢10位億萬富豪嘅財富總額共增2,040億美元（約1.59萬億港元），而舊年嗰10位億萬富豪嘅財富增長只係得嗰747億美元（約5,827億港元）。嘩，上年增長只係今年嘅零頭咋！
亞馬遜創始人貝索斯十月份就做咗世界首富。梗係啦，亞馬遜股價今年升咗足足57%，貝索斯嘅淨資產多咗338億美元，成為今年個人淨資產全球第一位，佢嘅同鄉Facebook創始人朱克伯格及甲骨文CEO埃利森就分別排第4同第9。
至於另外7位今年最賺錢嘅億萬富豪來自世界各地，3位嚟自中國！佢哋係排第2嘅中國恒大（03333）創辦人許家印、排第5位嘅騰訊（00700）CEO馬化騰同碧桂園（02007）嘅楊惠妍嘞！
余絲韻