AI成為世界大趨勢就人所皆知，但當前內地AI人才嚴重供不應求，所以讀相關學系嘅大學生好受企業歡迎，招聘條件絕對唔差。以內地一眾知名科企，好似今日頭條、美團以及大疆開價月薪3萬幾蚊人仔，另加房屋津貼。而滴滴出行和華為年薪更達50萬人仔。
總監位年搵百五萬
而微軟同Alphabet呢啲外資大公司出手闊綽就唔使講，內地請AI人才年薪有成50萬至55萬人仔。但講到騰訊開價年薪60萬或80萬人仔，送埋大城市戶口去招攬AI工程師畢業生，咁至叫做豪！
據最新行情，內地碩士畢業三年嘅AI工程師年薪60萬至80萬人仔，碩士畢業八年或博士畢業五年，若發展到總監位置，年薪普遍喺150萬人民幣以上。
余絲韻