絲絲講場：6新股掛牌 紀念品搶眼過股價

建鵬插15% 中教潛水

呢首中教嘅詩原來係首藏頭詩，打橫右至左睇嘅第一行：「香港聯合交易所好」。題詩其實好常見，但多數都係描寫上市公司掛牌嘅喜悅，又或者多年發展嘅心路歷程，咁直白去歌頌聯交所就真係好少見！

縫紉線生產商申酉控股（08377）就用3D打印技術整咗個水晶雕座，特定角度睇仲會見到好多彩色線轆，不過都唔夠內地遊戲商遊萊互動（02022）咁搶眼，打造咗個鍍金嘅Q版女神公仔，員工又不時一齊大嗌公司上市編號，搞到在場氣氛都好熱鬧。

之不過，場面雖然人山人海，十分熱鬧，但都不足以撐起公司股價。五隻首掛新股中公開發售反應最好嘅澳門建築商建鵬控股（01722）開市已經破底，低開12.5%，收市報0.405元，較招股價0.48元低15.6%；中教集團同樣潛水，收報6.33元，較招股價6.45元低1.86%。

申酉遊萊齊齊逆市升

河北建設（01727）「守住尾門」，收市穩守招股價4.46元無升跌。

申酉和遊萊就分別收升4%同7.93%，帶挈散戶每手分別賺150元同200元。

余絲韻