上周筆者提到，指數急跌後會出現一個技術反彈，本周恒指即由低位反彈1,000點至29,200點水平。個市跌的時候非常急，反彈的時候同樣急，最難預料反而是反彈後唔上唔落的階段。
每個跌市都有投資者博反彈，同樣每個反彈都有人做淡，香港作為衍生工具中心，不論殺好定殺淡，都要殺到乾乾淨淨才會停手。正如之前全民睇好股王騰訊控股（00700）繼續創新高，買到騰訊牛證窩輪連街貨都沒有，大戶自然唔會客氣，將正股大插兩成，原先睇好的投資者大多被迫平倉，損失慘重。
這波反彈浪，最初反彈的時候無人敢入市，升了幾天，有成千點升幅才見人入貨；相反，做淡者就由第一日升已經盡博，至昨日最多急挾400多點，相信有不少淡倉投降，但是否殺完則難以預計。
未來一周，正路港股應沒有明顯方向，再見低位都機會很低，因為牛證倉位已被殲滅。
勝利證券資產管理部基金經理 楊俊文（作者為註冊持牌人士）