絲絲講場：滙豐搞App設計比賽擸好橋

雖然香港金融管理局為咗便利市民開戶，放寬銀行核實客戶住址嘅要求，但係各間銀行為咗更新同保障客戶資料，當然唔會咁易放輕手腳！想有新Idea，莫過於搞比賽。

滙豐就搞咗個關於金融科技（Fintech）大賽，大部分得獎隊伍設計嘅應用程式，都係協助用戶向銀行更新及核實住址證明。好明顯，呢個功能最得銀行歡心啦！

呢次HSBC Safeguard應用程式比賽，分為大專學生組同初創企業組。

滙豐香港區總裁施穎茵亦都大讚呢班年紀輕輕嘅學生哥，話無論最後係咪贏到冠軍，都為銀行提供到新構思，同時為客戶提供便利服務，又可以阻止不法分子入侵金融系統，相當厲害！

余絲韻