絲絲講場：納市女CEO勁打得

究竟佢點做先可以成功上到位？佢話多得習武同當年讀女校大。

講嘅係納斯達克首位女CEO（行政總裁）Adena Friedman，佢係跆拳道黑帶高手，依家仲不時練緊，堅打得！佢話跆拳令佢學曉要靠自己，明白為公義要有力量，着重防守多於進擊，呢啲都可應用於商業社會咁話。佢仲話講到做舵手，習武絕對有益，可以練就到自強，而非只為討好他人。

女校出身 自信兼自強

係金融界，佢系出名門，之前做過私募基金凱雷集團（Carlyle Group）嘅董事總經理與CFO（首席財務官）。能夠喺華爾街立足仲發展到今時今日咁，佢話拜當年讀女校所賜。

佢入大學前一直讀女校，佢最愛數學與科學，鍾意讀乜就讀乜，問乜就問乜。上到大學，佢先發覺其他女同學較少發問！

原來嗰十年女校生涯，令佢喺成長期完全冇受過性別枷鎖呢類社會壓力，建立咗畢生受用嘅一份自信。為人父母嘅，嗱好學嘢嘞！

余絲韻