絲絲講場：貝索斯成功靠爺幹 ?

網購巨頭亞馬遜創辦人貝索斯同佢細佬早排出席咗個企業家論壇，少有地分享兒時生活同營商之道，貝索斯帶領亞馬遜由網上書商進化成超級電商，原來重要啟蒙老師係佢爺爺！

貝索斯細時經常去爺爺嘅牧場打暑期工，佢形容爺爺係個足智多謀同自食其力嘅人，就係呢兩項特質對亞馬遜嘅成功有莫大關係，每當遇上難題同挫折，就要自己諗方法解決，搵辦法走出困局，咁亦係進步嘅關鍵。

雖然佢被視為科技界大佬之一，但佢細佬爆料話貝索斯唔係「低頭族」。原來貝索斯自細已經係個做咩都非常專注嘅人，細個返學時，佢老師要連人帶椅將佢由一個位搬去下個位，先能夠令佢專注喺下一個環節！所以佢到大咗，亦絕無手機送飯，更加唔Buy Multitasking （一心多用）。

佢又忠告各位創業者，諗嘢要諗長線，如果只係諗未來兩至三年，會局限咗做嘅嘢。點先夠長線？佢話至少要五至六年目標。

余絲韻