中資行近年喺香港銳意拓展投行業務，係行內早已非新鮮事，反而國際大行話要大舉增聘人手，絲絲好耐都冇聽過，究竟有乜大茶飯食？原來是為咗應對MSCI明晟明年中將A股納入MSCI新興指數內有關。
據摩通亞洲除日本外地區股票研究主管詹姆斯‧蘇利文講，自一六年底以來，摩通大中華區股票研究團隊嘅員工人數，已增加超過兩成，仲話佢哋團隊員工數目係明後兩年都會有相若增幅，依家摩通正計劃大舉招聘，同埋該行科技、媒體與電訊研究團隊亦已增聘4名員工，睇嚟大家對A股被納入MSCI新興指數嘅商機有無限憧憬。
余絲韻