發表種族言論闖禍
麥嘉華喺投資管理公司Sprott份投資通訊話，反對拆除美國南北戰爭時期南方將領嘅雕像，話批雕像所紀念嘅人嘅「唯一罪行」，係捍衛所有社會行咗超過五千年嘅奴隸制！
麥嘉華又話：「感謝上帝，是白人而非黑人移居美國。否則美國就會似津巴布韋，雖然或許這一天無可避免，但美國至少在白人為主的經濟及政治陽光下享受了200年。」
就係咁，激嬲咗Sprott同兩間礦業公司NovaGold Resources及Ivanhoe Mines，麥嘉華立即出局。
但麥嘉華堅持話，如果闡述歷史事實就係種族主義者的話，「那麼我想我就是一個種族主義者」，佢話日本多年來受到譴責就係因為否認南京大屠殺。
余絲韻