虎父無犬子，堡獅龍（00592）創辦人羅定邦有「針織大王」美譽，其長子羅樂風（圖右五）都唔輸蝕，同太太蔡玉清（圖右四）於七十年代成立服裝生產嘅晶苑國際（02232），最近已預備好喺香港上市。
尋日新股晶苑搞投資者推介會，兩公婆身為晶苑主席及副主席，固然要現身做精神領袖。佢哋位大公子兼公司CEO羅正亮（圖左三）為人較低調，但都齊齊影咗張大合照。
晶苑連UNIQLO母企迅銷集團（06288）及Victoria's Secret母企L Brands海外投資企業L（Oversea）都有投資，分別認購價值2,000萬美元及1,000萬美元股份，相當畀面。
