絲絲講場：犧牲呢5樣嘢幫到你發達

1.買新車（47%）

想換部新車，話獎勵吓自己？嗱，何不考慮買架二手車代步，甚至暫緩換新車計劃，慳落嘅錢，可以再作投資錢搵錢！

2.買大屋（45%）

想發達，原來要先同大屋Say Goodbye！唔係叫閣下唔住，只不過唔住咁大啫。就算能力負擔得到大啲，亦應先由細單位開始，寧願一步步「樓換樓」，慳住使錢，先能夠將資金翻多番。

3.「話去就去」旅行（42%）

對新世代嚟講，旅遊可以話已經變咗必需品。不過，旅遊可貴可平，你可以坐郵輪、住五星級酒店、食貴嘢；亦可以坐廉航、住民宿、地道掃街咁食。唔使唔去，但唔使話去就去，亦唔使豪住咁去。

4.「零壓力」工作（40%）

責任愈大，壓力亦愈大，原則上賺錢亦愈多！現實生活上，雖然壓力與錢未必成正比，但「多勞多得」點都大機會過「不勞而獲」。

5.家庭與社交時間（27%）

唔需要解釋啦，所有嘢都係「等價交換」，包括時間。

余絲韻