呢個合作好有創意,本來係美事,但Snapchat嘅IT工程師就唔記得咗用戶部電腦都有個時鐘,只要用戶將時鐘調校快24小時,就可以將Snapchat嘅倒數程序提早完成,謎底亦自然揭開,將時鐘校快24小時,冇黑客技巧嘅普通人都識做,相信冇人估到件事可以搞成咁。
講咁耐,Snapchat故作神秘嘅合作係乜東東?原來Snapchat將著名波普藝術家Jeff Koons出色嘅3D作品放喺佢個Apps所影嘅相片上,有汽球狗、汽球兔及大力水手等,令用戶照片生色唔少,而呢位Jeff Koons早前更創下拍賣場上作品最值錢(5,800萬美元)嘅紀錄。
余絲韻