微軟創辦人蓋茨係科技界嘅翹楚，但蓋茨同微軟舵手納德拉近日接受訪問時，講到「混合實境」、「人工智能」同「量子電腦」會係未來科技發展三大趨勢，但蓋茨好坦白認唔明量子電腦係乜！
蓋茨話，自己熟物理同數學，但睇住微軟講解量子電腦嘅幻燈片，就好似睇緊象形文字咁！咁微軟CEO納德拉又能否用一句說話去解釋量子電腦？納德拉一樣話自己冇辦法做到。
至於特斯拉（Tesla）舵手馬斯克警告人工智能會超越人類控制人類，蓋茨認為唔係逼切問題，毋須過度恐懼，但亦唔能夠唔理。
余絲韻
