美國德薩斯州大學奧斯汀分校McCombs商學院近月發表研究，佢哋搵咗近800個手機用戶接受一系列測試以評估認知能力（即是大腦存儲及處理數據嘅能力），測試要求專注先可以攞高分。
開始測試前，參與者要將手機靜音，並有三個選擇將手機放喺：1）枱面，但反轉部機；2）手袋或衫袋；3）另一間房。
結果，手機放另一間房嘅人成績最好，其次係手機放入袋嘅，最差就係手機放枱面嗰批。
結論係，只要手機擺身邊，就算關咗機，都足以令人專注力下降，事關諗住「唔好去諗部手機」時，用咗大腦唔少RAM！想解決咩？將部手機放去睇唔到攞唔到嘅地方！你捨得嗎？
余絲韻