絲絲講場：滙豐新仔教老友記用「腦」

滙豐銀行一班實習生就唔同嘞！佢哋喺分行實習頭半年時見到啲長者唔識用電腦，於是把心一橫，向滙豐香港區零售銀行及財富管理業務主管欣格雷（Greg Hingston）提起呢個問題，結果搞咗個「數碼老友記」Project幫長者。

向社區中心捐贈電腦

佢哋除咗教吓長者點傳送電郵同用網上地圖外，仲向12間社區中心捐贈桌上電腦同平板電腦，個Project總共幫咗近1.5萬位「老友記」。

絲絲聽其中一位實習生Kenny Ho講，教用網上地圖有時都需要用廿分鐘。呢班實習生話個Project會繼續做落去，遲吓仲會計劃回收更多二手電子產品，令更多老友記受惠咁話。

其實除咗呢個計劃，欣格雷仲提到滙豐銀行現時有個叫「智醒老友記」計劃，請咗大約150位55至70歲「老友記」，分別喺77間分行幫手。計劃既有退休高級消防隊長，亦有退休銀行員工參與，難怪欣格雷亦讚班老友記「年紀愈大，愈有智慧」！

余絲韻