滙控工作廿年 無憾無悔
當范智廉被問及卸任後有何打算時，他雖然未有直接回應工作上的安排，但透露短期內會去南非旅行，先享受一個悠長假期，出晒名鍾意高爾夫球嘅佢，仲話要搵機會打場波喎！
由九五年至今，范智廉已經在滙控工作超過廿年，他說卸任後會不捨得共事多年的同事，但就對多年的工作無憾無悔。佢話現在望番轉頭，在任期間滙控可能錯過了不少發展機會，但亦成功避過唔少錯誤。
范智廉講笑咁話，滙控的業務遍布全球多個地方，當亞洲表現差的時候，美國表現好，到亞洲業績強，其他地方又轉弱，所以滙控下屆高管要善於應付挑戰至得呀！