樂視創辦人賈躍亭七月初辭任深圳上市樂視網（300104.SZ）主席，並以推動法拉第未來（FF）汽車項目前往美國後，外界對他嘅行蹤一直十分關注。事隔兩個月後，賈躍亭終於「現身」。
內地微博瘋傳，一張據說係賈躍亭周五現身於西環一家以煲仔飯為主打嘅茶餐廳相片。
賈躍亭深陷財困，大家最關心當然唔係佢食煲仔飯有幾出名。而據樂視相關人士向內媒指出，樂視其實亦是周五先得知賈躍亭身在香港。又話賈氏來港一方面是要全力解決樂視非上市體系債務問題、一方面係要為汽車業務，尤其係FF項目與投資者進行會面同談判。
由賈躍亭作為法定代表嘅樂視控股（北京）早前被內地法院列入「失信執行人」名單。身處香港嘅賈躍亭幾時會返內地親身處理問題，相信係大家更為關注嘅焦點！
余絲韻