過去兩星期，大市忽上忽落，這兩天又急彈回上高位，搞不好很容易被左一巴右一巴。幸好自己一向都是重策略而不是重睇法，所以就算上周一叫大家策略上轉為保守，最多不再加貨，但手上持有的股票，都要等跌穿八月二十九日附近低位才減注。這一次正正是因為個股偏強，沒有跌穿過位，所以亦沒有股票被震走。
坊間的投資評論，很着重估個市怎樣走。睇好的，自然每次跌下來都會覺得是買入機會；睇淡的，就會一早沽定貨等跌，就算再升都不會理。但這裏有個很大的問題，就是究竟誰人真的可以肯定每次睇法都正確？若我們太過盲目相信這些預測，而亂做決定，萬一估錯了便會招致損失，說到尾其實跟賭大細差不多。
所以，反正無人可100%睇啱，便不要將着眼點放在如何估市，硬要逼自己一定要睇好還是睇淡，揀其中一邊，其實還可以有第三個選擇，就是將重點放在怎樣定一個完善策略，無論大市怎樣走，都已經一早準備好。
元大證券（香港）經紀業務部營業總監 潘家榮（作者為註冊持牌人士）