前陣子在這個專欄同大家分享過我於9.65元附近叫粉絲買入我的「四寶」丘鈦科技（01478）博業績，結果於15元附近減至貨底持股的玩法。當時以為自己好勁，但好戲原來還陸續有嚟。丘鈦股價於上周四再度突破，到本周三仲見過23.25元的上市新高。
我對這隻股份有極大的情意結，話晒我都是從4.36元開始買入，並且睇住佢大，然後睇住佢壞。之所以話睇住佢壞，其實不是話佢的增長前景轉差或者業績惡化，而是因為佢的升勢已經出現了質變！
好多人認為，丘鈦於周三創出上市新高後單日轉向，是因為佢PE太高，食胡、走資的需求太磅礡，所以才出現烏雲蓋頂的倒跌態勢。其實唔係！丘鈦之所以急跌，是因為佢已經淪為另一隻股票的Proxy，而迷失了自己！
我所講的並不是舜宇，而是台灣上市的新鉅科技（3630.TT）呀！睇番丘鈦於上周四的公告話，公司於三月認購新鉅的交易獲批，你再睇吓新鉅於上周三的開市價是49.5元新台幣，於本周一收市價已經是69.6元新台幣，短短幾日已經升咗40%！
新鉅周三最低見58元新台幣，即是自高位回落16%！咁你明白點解丘鈦周三急跌啦？坦白講，丘鈦於15元過後這轉升浪，我已經無跟，原因是當初我係睇好丘鈦本身！喂，新鉅係乜嘢玩法？我真係唔知喎！
富昌金融研究部總監 譚朗蔚（作者為註冊持牌人士，持有丘鈦）