結算日爆邊，通常都會火上加油，所以當時保守一點，但即使內銀業績見光死，也不要被一個200點左右的回吐所嚇，要記住慢牛是常態，好友長期示人以弱，請君入甕。
自己雖然睇好又做好，但有些板塊是不會沾手，例如是中資證券行股。今次牛市的特質是無炒風，成交長期一般，證券行業務不似會有大起色，同質化又嚴重，自己是行內人，當然理解拓展資產管理業務的難處，所以業務上根本沒有特別亮點。
每次升浪行完一段路程，就總有人建議炒落後，可是最近幾次證券行股升勢都已經淪落到只得三日貨仔。就算下次來一次真的，一直乘風破浪升幾成，自己肯定一早在升浪的頭兩日便食雞胡撤退。明知坐得不舒服，何必費神，萬一不幸中伏更加會怪責自己明知故犯。
日前有記者來電，問九月睇好的股票，財經新聞馬經化，已經不需要分析。自己其實很悶蛋也很簡單，主力只是圍繞騰訊（00700），依然睇得好好，兼且會坐得安心。
無特別心水，為分散而分散的話，經驗之談是多數不會有好結果，因此不會強自己所難，一定要揀十隻八隻，現在手上備用的子彈還是相對充裕。假如有信心大市會向上，又沒有目標，最簡單是用指數產品去出擊。
豐盛金融資產管理董事 黃國英（作者為註冊持牌人士，基金持有騰訊）