絲絲講場：蓋茨豪捐358億元微軟股份
微軟創辦人蓋茨披露，今年捐出6,400萬股微軟，市值約46億美元（約358.8億港元），係蓋茨○○年後最大筆捐獻，亦係今年作出捐獻嘅富豪入面最闊綽，多過佢老友股神巴菲特，巴菲特早前披露捐出1,860萬股巴郡，價值約31.7億美元。
蓋茨冇披露受益人，但以往蓋茨‧梅林達基金會接收大部分捐獻。
持股比例僅剩1.3%
承諾捐出大部分身家嘅蓋茨，多年來捐出嘅微軟股數，經分拆調整後多逾7億股，呢筆股份以現時價值計，達約500億美元，連番捐獻下，蓋茨於微軟嘅持股比例，由九六年嘅24%降至現時1.3%。
今次捐獻後蓋茨仍然係全球首富，據彭博億萬富豪指數，佢身家仍達861億美元，差距同第二位亞馬遜創辦人貝索斯收窄。但為善最樂嘅蓋茨唔會在乎呢啲排名。
余絲韻