滙控（00005）物色新CEO要唔要面試？唔知呢。講開見工面試，最怕遇上刁鑽問題，答得一個唔啱聽，再靚嘅CV（履歷）都神仙難救！
以下見工刁鑽問題，絲絲教你點應付。
呢個問題不宜直接回應，怕對方見你現時人工唔高，即減Offer；又怕對方覺得你原本人工太高，「高攀唔起」你。
建議︰
•轉移視線（1）︰「我對人工要求好Flexible，最重要係工作性質與升遷機會，其實貴公司現階段薪金範圍係？」
•轉移視線（2）︰講多少你所知同行薪酬水平。
•強調自己着重工作性質與前途，而唔係只着重薪金。
•若推唔到，惟有誠實答，但千萬唔好誇大或壓低自己現有人工，萬一被識穿就大件事。
對方目的係想知你冇「市場」，要點同其他公司「爭」你。切忌講大話，答時要落落大方，以示誠懇。
參考答案︰
•「我應徵過……不過我最期待呢次機會，因為……」
無論點答，對方都會再問挖深啲，稍一不慎就會流於抱怨、講壞話。
建議︰
•強調你認為新公司優勝之處及對新公司嘅嚮往，而非講舊公司壞話。
若CV有一段「空白期」的話，有心理準備對方會咁問。呢個問題係睇你能否處理逆境、面對壓力嘅反應與是否誠實。
建議︰
•大方承認，勿隱瞞
•強調自己已吸取教訓
•切勿抱怨或講前上司壞話，以免破壞自我形象
從來冇？連一支筆半張紙都未帶過返屋企？肯定無人信。有？順手牽羊更嚴重！
最錯嘅答法係「我喺特殊情況下攞走過公司嘅乜乜乜，但之後放回原位」，咁仲無私顯見私。
參考答案︰
•「如果話從未試過做嘢忙到唔覺意將公司筆袋咗入褸袋，連我自己都唔敢講。不過支筆通常第二日會喺公司枱面出現番，除非真係唔記得留咗喺屋企，但我從冇刻意將公司文具據為己有。」
政治一向敏感兼無對錯，最易不歡而散。咪以為附和對方就安全過關，對方分分鐘愈問愈深入。即使對方唔介意你持相反意見，都唔好掉以輕心，盡可能避免表明立場為上。
參考答案︰
•「離選舉仲有段時間，有太多因素要考慮，所以暫時仍未有決定。」
•「雖然有留意，但因工作關係，所以仍需時間考慮。」
•「未有心水，但我會着重候選人過去政績。（停一停）就好似我最欣賞嘅商界人士做過A同B」（總之避開政治人物）
•「我仲未決定選邊一邊，不過提起呢樣，令我諗起一個關於貴公司嘅問題……」（借機轉移話題）
余絲韻