絲絲講場：百麗私有 盛百椒：真的好累

小股東揸咗十年感失望

今次私有化作價6.3元，十年前百麗上市招股價係6.2元，只係相差1毫子！有唔少小股東都係揸咗百麗股票成十年，難怪咁失望，話要投反對票！有位小股東不滿到，開完會仲要坐埋盛百椒個位繼續發表偉論。但亦有小股東支持私有化，不過理由竟然係見到股價咁樣，覺得「收番佢好過」。

有冇後悔當年上市呢？盛百椒話「感覺很累」，話百麗上市時自己55歲，依家私有化佢65歲，又指自己五月一號勞動節生日，所以「真的好累」。

至於百麗股東名冊突然增加咗200幾個小股東，全部都係員工。盛百椒就強調，係員工自發行動，做法妥唔妥當由監管機構諗，亦唔擔心畀人調查。

點都好，百麗私有化方案最終都獲得通過，總共370人投票，當中250人贊成，股份佔比共98.71%。

余絲韻