絲絲講場：歐美掘金 騰訊《王者》變身
騰訊控股（00700）手遊《王者榮耀》近排受官媒「關顧」，消息話隻Game會衝出國際，李白大戰蝙蝠俠隨時成真！
《王者榮耀》嘅國際英文版《Strike of Kings》最快會於九月喺美國、法國、意大利、西班牙同德國推出。
與DC Comics簽授權
雖然騰訊話「九月上線消息不實」，但就表明會搵合適機會將遊戲喺更多歐美國家上線。絲絲嘅解讀，即係打算推，只不過唔係九月啫。咁又係，呢排風頭火勢。
查實《Strike of Kings》早於今年初已經登場，個Game已於土耳其以至東南亞地區推出，不過就低調咗啲，但都喺Android平台累計下載量超過100萬次。
有傳隻Game海外推出時會融入當地風格，加上《Strike of Kings》已同華納兄弟旗下DC Comics簽訂授權協議，玩家上演項羽對蝙蝠俠嘅大戰都有可能！
余絲韻