絲絲講場：FB亞馬遜請人面試刁鑽到暈

朱仔求心服 貝索斯靠嚇

原來，Facebook嘅CEO朱克伯格（朱仔），每當親自聘請高管嗰陣，都會對自己進行一個小測試。佢嘅招聘原則是，如果你同應徵者掉轉身份，易地而處，你都唔肯為佢工作嘅話，你就唔應該請呢個人為你工作。

朱仔當年同依家嘅營運總監桑德伯格（雪莉）面試之後，朱仔發現雪莉喺好多方面嘅表現都勝過自己，自己就好願意為雪莉效力。最後，雪莉獲得朱仔認定而通過測試。

而亞馬遜嘅CEO貝索斯形容，好多公司嘅CEO都鍾意同應徵者講自己公司嘅豐功偉業，但細心諗諗，如果一個頂級嘅科技人才，理論上會接收到幾乎所有大公司嘅Offer，咁佢為乜要加入你公司呢？於是貝索斯採用「非美化策略」，喺面試嗰陣，唔會強調喺亞馬遜工作係幾開心，而係話畀應徵者知：「喺度做嘢唔容易。」

結果係點？就係人才最終都會主動揀加入亞馬遜呢項挑戰。

余絲韻