今個星期，原以為於回歸二十年的前夕市場會維穩，同時係穩定壓倒一切的，誰不知周二來一個細價股災，觸發主板及創板40隻最大跌幅的股份瞬間蒸發合共逾497億元，其中有5隻股份跌幅超過八成。壯觀程度足以讓內地投資者大做文章，又怪香港股市是鱷魚潭、人間妖域了！
災難是如何發生的我不再寫了，事實上，近日已有好幾個專欄以多角度去剖析某大莊家的戰績同血淚史。我只想說，我眼中今次的細價股災並不是一場意外，或者timing是意外啦。
事關今次一劫，好似是由於個別重倉的股份被停牌多時，以致個別持股人士們的資金鏈緊張，最後被迫獲利其他股份而形成骨牌效應。不過，我之所以話timing是意外，是由於早一個星期已有一隻原來是做白事的，後來又試搞飲食的股份爆咗倉啦！
所以，閒時於市場上收吓風，並不保證你會一定發達，但就起碼不會買到一些奇奇怪怪，純利倒退幾成仲發晒盈警，但股價於六月都照升的股份囉！總而言之，某些股份是好人好姐都不會去買的。
粉絲們，繼續關注恒指於維穩過後會否再失25,600點，又抑或突破26,100點的重要阻力，來判辨後市的方向啦！
富昌金融研究部總監 譚朗蔚（作者為註冊持牌人士）