唔係秘撈，係明撈，皆因美國最大百貨公司沃爾瑪對員工有新要求，問「既然順路，可唔可以順便送埋件貨？」
沃爾瑪仲喺公司網誌出Post話，員工放工順便送埋貨既可以加快公司嘅送貨服務，員工又可以賺外快。過去一個月，新澤西同阿肯色呢兩家分店已經開始試行呢個計劃。沃爾瑪表示，員工同顧客嘅反應都幾好。
其實，沃爾瑪咁樣做係因為死對頭亞馬遜，已經喺全國好多地區開始實行即日送貨服務，仲試緊無人機送貨服務添。
講真吖，沃爾瑪全美國有4,700家分店，超過100萬個員工。全美人口90%都喺沃爾瑪百貨店嘅10英里範圍內。所以沃爾瑪嘅百萬員工人海戰術都唔嘢小，亞馬遜接招啦！
余絲韻