絲絲講場：理文系自助餐饗股東
理文造紙（02314）同理文化工（00746）尋日一齊舉行股東周年大會。
除咗公司發展同業務近況，小股東最關心嘅，就梗係有咩禮物。有別於其他公司派紀念品或西餅禮券，理文就喺酒店宴會廳筵開近40席，請小股東豪食自助餐。
有得食仲有得拎，理紙仲送埋紙巾產品畀小股東拎返屋企用，等大家食完大餐可以抹嘴！
豪言派息率至少35%
雖然呢款竹漿紙巾喺香港未有得賣，但係理紙CEO李文斌透露，等到十月東莞生產線投產，就可以好快供港，叫大家耐心等到年底；佢仲話公司派息比率唔會低過35%添！
余絲韻