絲絲講場：滙豐「實境」睇百年中環

AR技術影片導航

Download咗個App後，只要去滙豐總行樓下搵番五個特定展覽嘅指標（圖一），掃描吓就可以喺個App睇到展覽內容。

五部分嘅展覽分別就係「五穀之首」、「百年中環」、「史提芬」、「施迪」及「獅頭雕刻」。除咗圖畫同影片解說之外，有部分展品仲有埋3D影像。

「五穀之首」就係總行大廈外嗰座大米青銅彫塑，Click入去有150幅歷史圖片（圖二）。掃描獅子「施迪」指標，可以睇到紮紮跳3D獅子仔，仲介紹埋佢同另一隻獅子「史提芬」（圖四）嘅背景；而掃描「百年中環」，就可以睇到3D嘅舊中環同滙豐總行地貌（圖三）。

絲絲試玩嗰陣，見到有位獅子行前員工林小姐亦玩緊，佢話見展覽幾有心思，專門返嚟舊公司體驗吓。

不過佢反映，用App掃描時成日掃唔到，而且唔係個個展品都有影片解說，覺得呢方面可以改善吓咁話。

余絲韻