蘋果公司（Apple Inc.）同人爭嘢，仲要係爭棵樹，對手係巴士站！話說Apple為綠化新飛船總部所在嘅Apple Park，要9,000幾棵樹。種又點種得切，所以就要買多3,000幾棵。
又咁啱，三藩市目前興建緊嘅越灣運輸中心（即係巴士總站）屋頂個城市公園亦需大量樹木綠化。因為Apple買太多樹，搞到巴士總站呻加州及俄勒岡州無貨，話連搵理想嘅樣本都好難，佢哋一睇中邊棵樹，好快就發覺棵樹已打上標籤，原來係畀Apple訂走。結果邊個會爭贏？你話呢。
余絲韻