絲絲講場：BCT銀聯劉嘉時攞個名自嘲
BCT銀聯集團董事總經理及行政總裁劉嘉時尋日同傳媒茶敍，講起佢依家喺政府都擔任唔少公職，佢仲講笑話自己好啱做公職，因為自己個名叫做「嘉時」，好似「加時、加時」咁，同政府依家好多會議、決定都要加時處理好似喎。
想做收購 唔驚被賣
近年積金界頻頻出現併購活動，劉嘉時都坦言想做收購，擴大業務規模，但要等時機同價錢啱心水先可以出手，短期內都難成事。
之不過，BCT銀聯幾位主要股東早前先拍板將香港人壽股權出售，BCT銀聯怕唔怕未做到收購，已經被股東賣咗o架？
劉嘉時笑話BCT銀聯嘅業務好值錢，又話唔怕股東會易主，最重要係集團業務可以有更加好嘅發展喎。
余絲韻