近日金融機構易帥相當受到市場注目，其實香港都有中資銀行近月低調換人，好似工商銀行（亞洲）董事長就由高明二月起接任。
聽講呢位女士又溫柔又叻，九九年已經幫母行工行（01398）喺香港打天下，更加幫工行將國際版圖擴大到歐洲。
事實上，工銀亞洲前董事長陳愛平已經喺去年十二月辭任，而高明就今年二月履新，同樣係擁有好深厚嘅國際銀行經驗，之前曾經做過工行國際業務部副總經理同工行歐洲董事長，仲喺盧森堡拎埋三級榮譽勳位。
中資銀行界消息話，高明同陳愛平嘅管理作風好唔同，內部都幾期待有個新轉變，以工銀亞洲現時已經係香港第7大銀行計，新舵手領導下有咩發展似乎都會令業界拭目以待。
余絲韻