香港又輸畀新加坡，仲係輸一條街！顧問公司美世（Mercer）公布生活質素調查，全球城市中，新加坡雖然排第25位，但已經足以撼低晒所有亞洲城市，蟬聯亞太區最宜居城市。
亞洲計，緊接新加坡之後、騎住香港嘅係東京、神戶、橫濱同大阪。香港？何止亞洲五甲不入，全球仲排第71名。
美國萬利理財亞太區總裁張佩儀話，其實香港同新加坡好多方面都不相伯仲，只係輸在居住環境！就係香港樓價太離地，住屋面積又太細！中國前海中金財富管理總經理鄭明輝就認為，香港好可能下年都係停留喺呢個水平。
咁查實邊個城市係最宜居？答案係連續八年排榜首嘅維也納！心動移民？閣下識唔識德文先？
余絲韻