格林國際控股（02700）早幾日出公告，澄清主席楊旺堅嘅博士學位，話楊主席誤墮學歷騙局！
格林份公告話，楊主席嘅「美國國家大學國際金融專業博士學位」之描述為不正確，正確係「內申大學工商管理博士學位（金融專科）」！楊主席入讀內申大學，喺北京大學上堂並於○四年獲授予學位，楊主席佢一直相信學位係美國內申大與北大合辦。
經查證後發現內申大學被認為向唔少內地人授予專上學歷嘅「不真實的高等教育機構」，楊主席「對自己墮入騙局非常震驚」！
絲絲睇番楊主席原來身兼中華兩岸三地專家企業聯合會會長等公職，仲係中國人民大學法律學院顧問及客座教授添。
余絲韻