Kismet由於以前修讀有關財經的科目,對樓市略知一二。她感嘆,「樓價實在太貴,就算靠父母幫手畀首期,其餘雜費都需要自己畀,之後仲要供樓,所以負擔好大。」
她續指出,「依家住喺寶琳,住得遠好唔方便,淨係車費咁貴都唔划算,所以之後買樓都想住番市區。不過,應該冇可能可以買到市區嘅私樓,都要揀番市區居屋。」
事實上,若Kismet想住市區居屋,又不介意地點隔涉的話,可選擇牛池灣山上一帶的居屋屋苑。其中樓齡較舊的瓊山苑,坐落豐盛街,環境清幽恬靜。屋苑單位大部分享開揚東九龍景致,景觀可媲美市區一線私樓。
實用率84% 住得舒適
交吉戶嗌438萬屬市價
富誠地產陳錫金指,瓊山苑算是市區樓價低水的選擇,二手成交不俗,偏向自由市場成交為主,目前入場費較相宜的交吉戶,自由市場叫價約438萬元起,屬市價。屋苑買賣連租盤選擇約有十個。