新世代供略：女生揀居屋 牛池灣「置」啱

Kismet由於以前修讀有關財經的科目，對樓市略知一二。她感嘆，「樓價實在太貴，就算靠父母幫手畀首期，其餘雜費都需要自己畀，之後仲要供樓，所以負擔好大。」

她續指出，「依家住喺寶琳，住得遠好唔方便，淨係車費咁貴都唔划算，所以之後買樓都想住番市區。不過，應該冇可能可以買到市區嘅私樓，都要揀番市區居屋。」

事實上，若Kismet想住市區居屋，又不介意地點隔涉的話，可選擇牛池灣山上一帶的居屋屋苑。其中樓齡較舊的瓊山苑，坐落豐盛街，環境清幽恬靜。屋苑單位大部分享開揚東九龍景致，景觀可媲美市區一線私樓。

實用率84% 住得舒適

瓊山苑鄰近宏景花園，樓齡約三十四年，是區內較受歡迎的居屋屋苑。屋苑屬中型規模，六座物業共1,584伙。單位開則較大，兩房戶實用面積約400餘方呎起，實用率高約84%，小家庭住得舒適。

Kismet感嘆，現時樓價太貴，就算父母幫忙畀首期，負擔仍很大。	住戶可搭車到鑽石山荷里活廣場，生活配備齊全。	屋苑距離港鐵鑽石山站較遠，住戶需轉乘小巴。

屋苑位置雖然比較隔涉，出入相對費時，住戶回家需要由港鐵彩虹站、黃大仙站或鑽石山站轉乘小巴。不過，屋苑亦備有簡單設施，附近有屋邨商場、籃球場及公園等，亦可選擇到鄰近的鑽石山荷里活廣場，生活配備齊全。

Kismet理想Dream Home	每月供款例子	瓊山苑自由市場成交

交吉戶嗌438萬屬市價

富誠地產陳錫金指，瓊山苑算是市區樓價低水的選擇，二手成交不俗，偏向自由市場成交為主，目前入場費較相宜的交吉戶，自由市場叫價約438萬元起，屬市價。屋苑買賣連租盤選擇約有十個。