絲絲講場：關穎嫺升職做恒生二姐
唔少人都知恒生銀行（00011）一姐係李慧敏（Rose），咁第二最高級女高管你又知唔知係邊個呢？無咩印象都係正常，因為Rose姐之下有好幾位女高管都係同級，所以一直以來無話邊個係「二姐」。
不過三月一日起，零售銀行及財富管理業務主管關穎嫺 （Margaret）就會內部升職，雖然對外嘅職銜無變，但就會升做恒生「二家姐」，真係恭喜晒！
近年銀行積極增加女高管比例，以恒生為例，一五年年底女性行政人員人數首次超越男性，舊年年底恒生香港有907位女性行政人員，按年升6%，佔恒生香港行政人員52%。唔知女行政人員比例高啲會唔會有利業績呢？
余絲韻