情人節快樂！打算喺呢個佳節買朱古力畀另一半嘅人，有機會發現今年嘅朱古力價格比之前平，事關全球最大可可豆生產地拉丁美洲及西非都出現供應急增情況，令舊年已累跌31%嘅可可豆價格上周曾低見每噸1,951美元，創○八年來新低。
除此之外，朱古力需求放緩亦係朱古力價格下跌嘅原因。全球最大可可豆加工公司Barry Callebaut數據顯示，截至舊年十一月為止嘅三個月，全球朱古力銷售下跌2.3%。當中，歐洲及美洲嘅銷售分別放緩3.1%及2%，相信係因為人們開始注重健康。
不過，美國全國零售商聯會（NRF）調查所得，今年美國人在情人節買朱古力等糖果嘅開支預計達到17億美元，金額同舊年一致，可見消費者對朱古力仍有一定需求。
余絲韻