各位男士想趁情人節向另一半表達愛意，是否心大心細應否買一隻貴價嘅鑽戒？且慢！未買唔好衝動住，可以先參考倫敦商學院嘅一項調查，原來「物輕情義重」係真嘅。
根據倫敦商學院組織行為學助理教授Gabrielle Adams同史丹福商學研究院Frank Flynn博士合作，分析禮物價值同收禮一方對禮物欣賞程度之間嘅關係。研究發現，男士認為鑽戒價值愈昂貴，未婚妻會對他們更加欣賞。諗多咗喇，查實未婚妻唔會特別欣賞較昂貴嘅鑽戒。
Gabrielle Adams解釋，雖然男士認為昂貴嘅鑽戒可以表達誠意，但事實上，佢哋嘅未婚妻並不會區分昂貴同便宜鑽戒所代表嘅誠意。簡單而言，喺收禮一方眼中，較昂貴嘅禮物唔一定較便宜嘅禮物更有誠意。
余絲韻